Suv polosi. O‘zbekiston yoshlar terma jamoasi jahon chempionatiga jo‘nab ketdi

Joriy yilning 1-8 avgust kunlari Belgrad shahrida suv polosi bo‘yicha xotin-qizlar o‘rtasida jahon chempionati bahslari o‘tkaziladi. Bugun terma jamoamiz aʼzolari mundialda ishtirok etish uchun Serbiya poytaxtiga yo‘l olishdi.

Mazkur dunyo birinchiligida O‘zbekiston, Italiya, Turkiya, AQSH, Vengriya, Gretsiya, Yaponiya, Avstraliya, JAR, Kanada, Niderlandiya, Ispaniya, Serbiya, Xorvatiya, Qozog‘iston va Yangi Zelandiya terma jamoalari sovrinli o‘rinlar uchun bahs yuritishadi.

O‘zbekiston yoshlar terma jamoasi “V” guruhida AQSH, Yaponiya va Gretsiya terma jamoalari bilan o‘rin egallagan. Dastlabki turda vakillarimiz AQSH yoshlar terma jamoasi bilan kuch sinashadilar.

Quyida 1-turda o‘zaro bahs yuritadigan jamoalari berilgan:

Qozog‘iston – Italiya

Turkiya – Vengriya

Yaponiya – Gretsiya

O‘zbekiston – AQSH

Kanada – Avstraliya

JAR – Niderlandiya

Xorvatiya – Ispaniya

Hamyurtlarimizga bo‘lajak jahon chempionatida omad va zafarlar tilab qolamiz